Friday, September 18, 2020

Publikohet udhëzuesi për fillimin e vitit shkollor, Shahini tregon ç’do ndodhë nëse një nxënës apo mësues del pozitiv me Covid (Si do jenë turnet për mësuesit)

Ministrja e Arsimit Besa Shahini, në një video-mesazh të fundit në rrjetet sociale ka njoftuar mbi publikimin e udhëzuesit për fillimin e vitit shkollor 2020-2021.

“Sot është botuar udhëzuesi i ASCAP që tregon për skenarët e ndryshëm, të cilët do të zbatohen në shkolla të ndryshme për të siguruar distancimin social, shëndetin e nxënësve dhe mësuesve, kur të kthehemi në shkolla”, – thekson ajo teksa u jep përgjigje edhe disa prej pyetjeve të ngritura nga nxënësit dhe prindërit.

Në lidhje me pyetjen se “pse po vazhdohet me xhirimet në RTSH Shkollë kur është deklaruar që shkollat do të hapen”, Znj. Shahini sqaron se ky kanal i dedikuar do të transmetojë të njëjtat orë mësimore që do të zhvillohen në shkollë në mënyrë që nxënësi të ketë mundësi të ndjekë leksionet edhe në rast se qëndron në shtëpi.

Ministrja Shahini jep përgjigje gjithashtu se si do të veprohet nëse një nxënës apo mësues do të dalë pozitiv me Covid-19:

“Protokollet e sigurisë së shëndetit e përcaktojnë qartë se si do të veprohet në rast se një nxënës, një mësues, apo një grup nxënësish del që është infektuar me Covid-19. Tamponimi ndodh për të gjithë grupin. Mbyllet klasa apo e gjithë shkolla në rast se klasa ka patur komunikim apo kontakt me të tjerët dhe për një periudhë kohore të paracaktuar, që mund të jenë 2 apo 3 javë, grupi i nxënësve që do të jetë karantinuar do të vijojë mësimin në kushte shtëpie. Kjo është dhe arsyeja pse RTSH Shkolla do të punojë paralelisht me të gjithë procesin mësimor që do të zhvillohet në objektet shkollore”, shprehet ajo.

Ndërsa pyetjes se “si do të rregullohet ngarkesa mësimore e mësuesve, nëse ata do të punojnë me më shumë turne dhe a do të shtohet numri i mësuesve”, Ministrja Shahini nënvizon:

Ne kemi planifikuar shtimin e numrit të mësuesve sipas nevojave. Nëse sëmuret një mësues apo nëse do duhet të mbulohen turne, ne kemi buxhet tashmë të shtuar për të mbuluar çfarëdo nevoje që mund të dalë gjatë vitit për të siguruar një mbarëvajtje sa më të mirë të procesit mësimor.

Klikoni këtu për të lexuar Udhëzuesin e plotë.

Udhëzuesi për fillimin e vitit të ri shkollor 2020-2021 dhe përgjigjet për disa nga pyetjet tuaja👇🏼https://www.ascap.edu.al/wp-content/uploads/2020/08/Udhezuesi-per-fillimin-e-vitit-shkollor-2020-2021.pdf

Posted by Besa Shahini on Четвртак, 27. август 2020.

TE FUNDIT

- Advertisment -

Most Popular

Moti për ditën e premte, 18 shtator

Gjatë ditës së premte, në vend do të mbizotërojë koha e vranët.Temperatura më e lartë do të jetë...

Tragjike, ndahet nga jeta mjeku i njohur, njihet si themeluesi i Okulistikës Shqiptare

Një ndër themeluesit e Okulistikës Shqiptare, Gjergji Cepa, është ndarë sot nga jeta në moshen 81-vjeçare.Deri në moshën 78-vjeçare, edhe pse në pension, ai...

Makina del nga rruga, plagosen rëndë dy të rinjtë

Dy persona janë plagosur në një aksident në fshatin Shënpjetër të Fierit.Raportohet se rreth orës 16:15, shtetasi A. A., 22 vjeç, banues në Fier,...

Dy punonjëse të marketit rezultojnë me COVID-19, i gjithë stafi bën tamponin por aktiviteti nuk mbyllet

Dy punonjëse të një marketi janë infektuar me COVID-19 në Elbasan. Ata janë vetëkarantinuar në banesën e tyre, ndërsa u është marrë tamponi edhe...