Alibeaj sulmon hapur Berishën:”Sali Berisha mbron bandat e Elbasanit, kërkon të shkatërrojë dhe izolojë PD”

Enkelejd Alibeaj ka reaguar pas deklaratave të Sali Berishës rreth vrasjes së bërë përpara zgjedhjeve ku bëri fajtor deputetin Gazment Bardhi si dhe i bëri një kërkesë publike të shpjegojë rolin e tij në vrasjen që ndodhi. Alibeaj u shpreh se Berisha mbron bandat e Elbasanit edhe se ai është peng i tyre, sepse i përdori kundër demokratëve.

DEKLARATË E PARTISË DEMOKRATIKE TË SHQIPËRISË

PD dënon me forcë përdorimin e një ngjarje të rëndë për interesa të Sali Berishës. Është e pafalshme të shohësh se si Sali Berisha mbron bandat e Elbasanit edhe pse ai tashmë është peng i tyre, sepse i përdori kundër demokratëve në tentativën e tij për të marrë peng PD.

- Advertisement -

Për hallin e tij, Sali Berisha bëri koalicion edhe me Aqif Rakipin, Tom Doshin dhe Vangjush Dakon. Këtë e dinë gjithë demokratët dhe gjithë qytetarët e Shkodrës, Elbasanit dhe Durrësit. Për hallin e tij, Sali Berisha kërkon të shkatërrojë PD-në dhe ta izolojë atë nga çdo partner ndërkombëtar.

Siç po shihet çdo ditë në këtë sipërmarrje, ai ka partner kryesor Edi Ramën. Mjafton të shikoni sot vendimin e Komisionit të Ligjeve, për të kuptuar se si Edi Rama është aleati i Sali Berishës. Ata kanë halle të përbashkëta dhe për hallet e tyre duan të bëjnë kurban PD-në.

- Advertisement -

Të fundit

Të fundit