Sezoni i pushimeve rrit numrin e pushuesve në brigjet shqiptare, e si për pasojë rritet mundësia e incidenteve.
Policia Kufitare dhe Forcat e Ndërhyrjes së Shpejtë kanë qenë gjithmonë në gatishmëri të plotë lidhur me këto raste emergjente.
I shumtë ka qenë numri i thirrjeve për ndihmë këtë muajin e fundit, në të cilin janë shënuar edhe shumë mbytje gjithashtu.
Neglizhenca, pakujdesia si edhe mungesa e theksuar e rojeve të plazhit, ka bërë që të rritet numri i rrezikshmërisë për mbytje në plazhet tona.
Një njoftim nga Policia Kufitare tregon se këta të fundit kanë ndihmuar pushues në Shkodër dhe Sarandë, të cilët kanë hasur vështirësi gjatë kohës që laheshin në det dhe rrezikonin mbytjen.
Policia e Shtetit sugjeron pushuesit dhe turistët që të shmangin lëvizjet me mjete lundrimi, si motor uji apo varka deri në qetësimin e detit.
Ata gjithashtu bëjnë thirrje që të tregohet një vëmendje më e madhe dhge të tregohen më të kujdesshëm.
Njoftimi i Policisë Kufitare dhe FNSH-së:
Policia Kufitare dhe FNSH ju vijnë në ndihmë pushuesve dhe turistëve, duke ndërhyrë në tre raste të vështira.
Falë ndërhyrjes së shpejtë nga Policia Kufitare dhe FNSH, u është dhënë ndihma e parë 5 shtetasve nga Shkodra dhe Kosova në grykëderdhjen e Vilunit në lagunën e Rrjollit, të cilët rrezikuan mbytjen. Pesë shtetasit u transportuan për në qendrën spitalore, ku gjendja shëndetësore e tyre është jashtë rrezikut për jetën.
Po në të njëjtin vend u dha ndihma dhe 9 shtetasve Çekë të cilët kishin ngelur të izoluar dhe në momentin që donin të kalonin grykëderdhjen e Vilunit, jeta e tyre u vu në rrezik. Falë ndërhyrjes së Policisë të 9 shtetasit kanë dalë në breg pa asnjë problem për jetën.
Njëkohësisht edhe në Sarandë, Policia Kufitare ka shpëtuar një plazhist i cili u rrezikua të mbytej si pasojë e dallgëve të detit.
Policia e Shtetit, ju bën thirrje të gjithë pushuesve të tregojnë kujdes maksimal pasi deti aktualisht është i trazuar dhe me dallgë të mëdha.
Policia e Shtetit sygjeron pushuesit dhe turistët që të shmangin lëvizjet me mjete lundrimi, si motorr uji apo varka deri në qetësimin e detit.
Policia Kufitare ka rritur patrullimin me mjetet e saj lundruese në det dhe është angazhaur maksimalisht për t’i ardhur në ndihmë çdo pushuesi që i rrezikohet jeta në det.
Në ndihmë të Policisë Kufitare janë angazhuar maksimalisht edhe shërbimet e Policive Vendore si dhe Forcat e Ndërhyrjes së Shpejtë, me patrullim tokësor
Për çdo rast nevoje për ndihmë telefononi në numrin pa pagesë 112 dhe shërbimet e Policisë do jenë menjëherë në ndihmën tuaj
Siguriajuajpriroritetijonë
